|  首页 > 明星 > 明星新闻 > 正文

2014-05-31 00:15:32 来源: 点击:

Cheronna收藏多多。

 
 
                 

【QQQ.TV全球圈娱乐网讯】 有份主演无綫剧《女人俱乐部》的组合Super Girls成员Cheronna(吴嘉熙),是队中唯一一个予人“男仔头”之感的成员,爱戴帽及穿阔衫阔裤作中性打扮的她,原来是“恋帽狂”一名,家藏数十顶珍贵帽子,大部分更是潮帽之一的“棒球帽”,Cheronna激赞款式够型,向前向后戴都型格十足,再配简单图案简直“冇得输”!另外亦有不少珍藏,包括见证成长历程的牙仔。

 
 
牙仔
 
 
由细储到大,犬齿储到大个箍牙,我记得门牙自己甩,大牙自己好大胆喺屋企剥,冇去睇牙医,直至大个箍牙剥咗四只大牙,每次望到啲牙都会谂起剥嘅过程,好似成长过程!
 
 
 
 
呢度只系一部分,我比较注重Pattern同颜色,有时望落去觉得设计好简单,但戴咗上头又几型喎!所以买吓一顶又一顶,其中一顶前面钉上我英文名缩写,由于金色撞黑色底,真系好靓,豹纹都唔错!
 
 
海绵宝宝
 
 
呢个公仔系我至爱,算系头号粉丝,一见佢出新嘢就好想拥有,成间房都畀佢霸占埋,大至公仔、细至笔袋或发夹,只要畀我见到都会买返屋企。
 
 
结他Pick
 
 
结他Pick代表我学结他进步同成长过程,Pick上面印有好多图案,平时会拣Colorful 啲,弹起上嚟都开心同起劲啲,加上我成日唔见结他Pick同埋弹烂晒,所以都会买定以备不时之需。
 
 
磁石
 
 
储磁石系因为我妈咪,佢好锺意磁石,搞到我都锺意埋一份,成日经过文具店都入去望吓有冇靓嘢,依家去旅行会喺当地买啲有代表性嘅磁石返嚟黐喺雪柜,每次见到就代表我去过边。
 
 
海贼王
 
 
好锺意动漫《海贼王》,之前便利店推出有关公仔,我疯狂去购物换印花,都几艰辛,因为成日都抽到同一只, 所以周围问朋友有冇得换,试过同一只重复抽到三、四次,好彩终于储齐成套。
 
 
手绳
 
 
手绳同表一样可以当饰物,而且手绳Colorful啲,锺意手绳因为令我有夏天感觉,同埋可以好多变化,白色可以配渐变色或单色,大多数都系人手织,最特别系有唔同织法,夏天可以戴几条喺手配搭衣着。

 


热门标签:见证  

精彩图片